Njerëzit nuk e dinë çka blejnë në markete, thotë Ismajli

9 Shkurt 2017 - 20:27      

Kontrolli ndaj ushqimit duhet të jetë primar. E kjo duhet të bëhet edhe më e rëndësishme se demarkacioni e asociacioni thotë gazetari Elhami Ismajli.

Ai në Rubikon të KTV-së tha se shumë sëmundje shkaktohen si rrjedhojë e ushqimit që konsumohet.

“Nuk është gjendja e mirë pasi janë mbi 200.000 produkte që hyjnë në Kosovë dhe kontrolli është i vogël. Kemi probleme me deklaracionin shqip të produkteve. Shkon e blen në market një produkt dhe nuk e din çka po blen. Me kushtetutë ti duhesh të informohesh se çka po blen”, ka thënë ai.

Ismajli tregoi se si në një ndër marketet e mëdha në Kosovë kanë gjetur një sasi të madhe të mishit i cili ka qenë i prishur.

“Qysh ka mundësi mos me dit shteti se janë duke qëndruar 120.000 kg mish i prishur në një depo të një kompanie”, ka thënë ai.

E nutricionistja, Diola Dosti Baftiu thotë se duhet të rritet vetëdija e konsumatorit ndonëse sipas saj është rritur dukshëm.

“Kur shkoj nëpër markete, njerëzit kontrollojnë”, ka thënë ajo.

E sa i përket përdorimit të vajit të palmës ajo thotë se deri në 25% është në rregull.

“Thuhet që deri në 25% përdorimi i vajit të palmës është në rregull”, ka thënë tutje Baftiu.

© KOHA. Të gjitha të drejtat janë të rezervuara.