Katër pyetjet e Dedës për veriun

9 Shkurt 2017 - 16:29      

Deputeti i Kuvendit të Kosovës, Ilir Deda, ka shkruar në profilin e tij në Facebook, se në vend të fjalimit gjatë interpelancës me kryeministrin Isa Mustafa, për situatën në pjesën veriore të vendit, i ka bërë 4 pyetje.

1. A ka fond Qeveria për të parandaluar spastrimin e heshtur entik që po ndodhë në veriun e Mitrovicës ku po blihen pronat e shqiptarëve nga ana e Qeverisë së Serbisë?

2. A do të funksionalizohet Bordi i përbashkët qeverisës i komunave Mitrovica Jugore dhe Veriore, siç parashihet me ligjet e Kosovës, gjatë mandatit qeverisës së Kryeministrit?

3. A do ta fillojë procesin e ndërtimit të konsenzusit politik për procesin e dialogut të Brukselit, siç kërkojnë edhe 53% e qytetarëve të Kosovës?

4. Duke e parë vendosmërinë e Qeverisë që të procedojë me funksionalizimin e Bashkësisë së Komunave me shumicë serbe, a do të draftohet Statuti njëanshëm apo me gjithpërfshirje të gjitha subjekteve politike - duke e ditur që mungesa e gjithpërfshirjes edhe na solli në krizë politike?

© KOHA. Të gjitha të drejtat janë të rezervuara.