Arrestohen pesë kosovarë në Zvicër

8 Shkurt 2017 - 22:50      

Gjashtë persona, ndër ta edhe një punëtor aktual i autoritetit për të huajt, janë arrestuar gjatë kësaj jave në Zvicër.

Ata janë arrestuar për korrupsion dhe për dhënien e lejeve të qëndrimit.

Skandali ka plasur të martën, kur u arrestuan gjashtë persona ndër ta pesë shtetas zviceranë me prejardhje nga Kosova dhe një turk.

Ndër të arrestuarit është një funksionar i lartë i Entit për Migrim dhe dy ish-punëtore (femra 28 dhe 23 vjeçare).

Kryesori është Patriot A. 25-vjeçari nga Kosova me pasaportë të Zvicrës. Ai në vitin 2014 deri më 2016 ka udhëhequr firmën për ndërtime Aliu BigTeam, e cila në gusht të vitit 2016 u mbyll.

Përveç punëve ndërtimore, kompania ka mbajtur punëtorë në të zezën, nga shtetet e lindjes dhe jashtë BE-së.

Për të punuar në këtë kanton, ata është dashur të kenë lejen e punës, të cilën e kanë siguruar për 1000 euro për person, të cilën e kanë siguruar personat e implikuar në rast, që punonin ne entin për migrim, raporton “Blick”, përcjell KTV.

Në lejen që u është dhënë personave të tjerë, ato janë falsifikuar, duke e vendosur vetëm fotografinë e atyre që kanë paguar paratë.

Patrioti ka të kaluar kriminale pasi në Kosovë ishte dënuar me gjashte muaj burg derisa emri i tij është edhe në listat kërkuese ndërkombëtare.

Ai tani akuzohet për trafikim me njerëz, falsifikime dokumentesh korrupsion dhe shkeljen e ligjeve për të huajt.

Nga hetimet e policisë të nisura në fillim të vitit 2016, bëhet e ditur se mund të ketë të tjera arrestime në tërë Zvicrën.
Patrioti ka tentuar javën e kaluar të largohej nga Zvicra, por është kapur.

© KOHA. Të gjitha të drejtat janë të rezervuara.