Cili është qëndrimi i Mustafës për procesin e demarkacionit?

7 Shkurt 2017 - 21:19      

Kryeministri Mustafa tha në Rubikon të KTV-së se Demarkacioni nuk është vetëm çështje e marrjes së vizave, por ai ka të bëj me sovranitetin e Kosovës.

Rishikimi i këtij procesi sipas Mustafës është me rëndësi të jetë profesional dhe shkencor.

"Procesi duhet të jetë profesional dhe shkencor. Ne duhet ta kemi një konkludim shkencor e profesional.

Ai tha se e rëndësishme është të dihet sa ka qenë territori para nënshkrimit të marrëveshjes dhe pas saj.

E për deklaratat e deputetëve se nuk e dinë sa është territori, ai tha se nëse këtë nuk e dinë atëherë nuk e dinë se si është Kosova.

"Nëse se dimë cili është territori atëherë nuk e dimë si është Kosova", ka thënë ai.

Mustafa nuk ka dyshim për marrëveshjen e demarkacionit. Ai qëndron pas konkludimit se demarkacioni është në rregull.

Sipas tij, deputetët të cilët po e kundërshtojnë demarkacionin synojnë të zhvillojnë politika populliste.

"Dëshirojnë që të zhvillojnë politika populliste të cilat nuk ju pinë ujë", ka thënë Mustafa

Mustafa theksoi se votat nuk i interesojnë, tash është i fokusuar në gjetjet e raportit.

"Nuk e di a i kemi por tani votat nuk më interesojnë shumë, më intereson vetëm procedura. Nuk dëshiroj ta mbaj peng, në momentin qe ta kemi raportin e dërgojmë në Kuvend, nuk kemi të bëjmë me viza por me sovranitetin e Kosovës", ka thënë ai.

© KOHA. Të gjitha të drejtat janë të rezervuara.