Ministri i Shëndetësisë nuk brengoset për përdorimin e Gensulinës [video]

7 Shkurt 2017 - 21:29      

Shqetësimin e qytetarëve për përdorimin e insulinës Gensulinë, të cilën së fundmi e ka sjellë Ministria e Shëndetësisë, nuk po e merr parasysh i pari i këtij dikasteri, raporton KTV.

Ministri Imet Rrahmani thotë të ketë bërë krejt çka duhet kur tregon arsyet pse nuk po e ndalon distribuimin e insulinës.
Por Rrahmanin po e kritikojnë përfaqësues të shoqatës së pacientëve, të cilët thonë se do të duhej të ishte e mjaftueshme ankesa e qytetarëve për të ndërmarrë masa.

Shumë më të vendosur për të ndaluar atë janë paraqitur endokrinologët, të cilët përmes një peticioni, i kanë dhënë ministrit të gjitha sqarimet se pse nuk duhet përdorur Gensulina.
Në letrën që e ka siguruar KTV-ja, ku janë nënshkruar dhjetëra profesionistë të fushës, e cila është e protokolluar nga data 30 e muajit të kaluar, thuhet se Insulinat humane prodhohen nga teknologjia rekombinante ADN dhe për këtë arsye quhen medikamente biologjike, ndërsa insulinat biosimilare janë kopje jo-identike të tyre.

Më tej, endokrinologët kanë treguar se çdo modifikim i kësaj strukture, çdo ndryshim edhe më i vogël në procesin e prodhimit mund të ketë ndikim në efektin e insulines.

Ministri i Shëndetësisë nuk brengoset për... by kohanet

© KOHA. Të gjitha të drejtat janë të rezervuara.