Bordet, megjithatë, politike [video]

7 Shkurt 2017 - 19:10      

Mesi i gushtit uli në një tavolinë kryeparlamentarin Veseli, kryeministrin Mustafa dhe ambasadorin e Britanisë në Kosovë, Ruairi O’Conell, raporton KTV.

Me këtë rast,u lidh marrëveshja që të angazhohet një kompani ndërkombëtare që do të mbikëqyrte përzgjedhjen e kandidatëve për poste të larta në bordet e institucioneve të pavarura publike.
Por që nga atëherë asnjë hap para nuk është bërë. 5 muaj më vonë, doganat kanë mbetur pa drejtor, si peng i përzgjedhjes politike.

Njëri nga nënshkruesit e këtij memorandumi, ambasadori britanik në Kosovë, Ruairi O’Conell, ka shprehur nervozizmin e tij për mosimplemtimin e kësaj marrëveshjeje. Madje, ai ka theksuar se do t’i vinte turp t’i harxhonte paratë e britanikëve për një projekt që nuk do të ketë sukses.

Ndërsa këshilltari i kryeministrit Isa Mustafa, Sokol Havolli, thotë se marrëveshja do të zbatohet dhe se është në fazën përfundimtare.
Në anën tjetër, iniciuesi i këtij memorandumi, kryeparlamentari Kadri Veseli, beson se nëse të tri palët do të bashkëpunojnë, projekti nuk do të dështojë. Por tërthorazi heq përgjegjësinë nga dështimi i përzgjedhjes se një kandidati të pavarur për Drejtorinë e Doganave.

Në përgjigjen nga kabineti i tij, thuhet se Veseli ka vullnet të vazhdohet para me këtë projekt.
Qeveria ka mohuar faktin se çështja e drejtorit të doganave ka mbetur peng i përkatësisë politike, duke theksuar se po ndiqen të gjitha procedurat ligjore.

Bordet, megjithatë, politike by kohanet

© KOHA. Të gjitha të drejtat janë të rezervuara.