Prezantohen metodologjitë për rritjen e cilësisë në sistemin e drejtësisë

7 Shkurt 2017 - 11:55      

Janë prezantuar metodologjitë dhe instrumentet për të ndihmuar rritjen e cilësisë në sistemin e drejtësisë.

Sistemi i drejtësisë në Kosovë po përballet me sfida të shumta sa i përket efikasitetit dhe besueshmërisë.

Kështu u tha sot në një konferencë gjatë të cilës janë prezantuar instrumentet, standardet dhe metodologjitë për të garantuar një efikasitet dhe cilësi më të lartë të drejtësisë.

Francois Paychere, kryetar i Grupit Punues të CEPEJ për Cilësi të Drejtësisë dhe anëtar i Gjykatës së Auditorëve në Kanton të Gjenevës, tha se është i nevojshëm shkëmbimi i përvojave në ngritjen e cilësisë në sistemin e drejtësisë, shkruan KP.

Ai tha se e gjithë puna është e orientuar në aplikimin sa më të mirë të konventës evropiane.

Nehat Idrizi nga Këshilli Gjyqësor i Kosovës, deklaroi se gjyqësori ka shumë nevojë ta rritë efikasitetin e punës.

Tha se besimi në këtë institucion nuk është në nivelin e kënaqshëm.

Sipas tij, aplikimi i kësaj metodologjie siguron mundësi për përmirësimin e drejtësisë.

Ai shprehu shqetësimet e qytetarëve ndaj vonesave së procedurave të lëndëve nëpër gjykata. 

© KOHA. Të gjitha të drejtat janë të rezervuara.