Statusi dhe të drejtat e paraplegjikëve dhe tetraplegjikëve ende të pazgjidhura

7 Shkurt 2017 - 06:34      

Ndonëse është miratuar në maj të vitit të kaluar, ende nuk ka nisur zbatimi i Ligjit për statusin dhe të drejtat e personave paraplegjikë dhe tetraplegjikë.

Për zbatimin e këtij ligji nuk janë paraparë mjete as në Buxhetin e Republikës së Kosovës për vitin 2017, shkruan sot Koha Ditore.

Por, pasi shoqatat që përfaqësojnë këtë kategori patën reaguar, ministri i Financave, Avdullah Hoti, u pati premtuar se do të gjendet zgjidhje për akomodimin e obligimeve në kuadër të buxhetit të vitit 2017.

Gazeta ka kërkuar përgjigje nga Ministria e Financave nëse janë siguruar mjetet për zbatimin e ligjit, por zëdhënësi i Ministrisë së Financave, Muharrem Shahini, ka sugjeruar që kjo pyetje t’i drejtohet Ministrisë së Punës dhe të Mirëqenies Sociale.

Drejtori i Shoqatës së paraplegjikëve dhe e paralizës së fëmijëve të Kosovës, (HANDIKOS), Afrim Maliqi, ka thënë se ata janë në pritje të realizimit të këtij ligji. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.