“Nga 2013 deri në nëntor 2016, kanë pësuar ose vdekur 10 qytetarë dhe 3 punëtorë të KEDS-it” [video]

6 Shkurt 2017 - 21:41      

Hysni Gashi, kryetar i Federatës së Sindikatave të Pavarura Elektro Kosova-KEDS/KESCO, në “Puls” të KTV-së, tha se çdo muaj punëtorët e KEDS-it “shkrumbohen nga rryma, pra goditen nga rryma”.

“Përveç që kemi presion permamente psikike, punëtorët rrezikohen edhe nga rryma. Kur kemi kërkuar shënimet për lëndimet e punëtorëve në punë, KEDS nuk na i kanë dhënë këto shënime”, tha Gashi.

Gashi: Punëtorët e KEDS-it të pambrojtur... by kohanet

Kurse Fahredin Maçastena, ish-menaxher i Sigurisë në Punë dhe Mbrojtje të Mjedisit në KEDS-KESCO, tha se prej vitit 2013 deri në nëntor të vitit 2016 kanë pësuar ose vdekur 10 qytetarë dhe 3 punëtorë të KEDS-it.

“Unë si përgjegjës i zyrës për siguri, ju them me përgjegjësi edhe pse kam pas presion në një rast me fsheh për vdekjen e një personi që kinse vdekja e tij nuk ishte si pasojë e rrymës, unë nuk kam lëshuar pe për këtë, unë kam qenë kryetar komisioni për krejt këto raste”, theksoi Maçastena.

“Ju them një gjë se gjatë kontrolleve me ekipin tim që kemi bërë, kemi konstatuar se gati 50% të releve multifunskionale që shërbejnë si mbrojtës nuk e kryejnë punën e vet”, tha më tej ai. 

© KOHA. Të gjitha të drejtat janë të rezervuara.

“Nga 2013 deri në nëntor 2016, kanë pësuar ose... by kohanet