Molliqaj nuk bindet, insiston se muri nuk u rrëzua por vetëm u shkurtua

5 Shkurt 2017 - 13:50      

Sekretari Organizativ i Lëvizjes Vetëvendosjes, Dardan Molliqaj, i cili dje tha se muri nuk do të rrëzohet, por vetëm do të shkurtohet, sot i ka dalë në mbrojtje deklaratës së tij të djeshme, ndonëse muri më nuk ekziston.

Molliqaj, përmes një postimi në Facebook, thotë:

“Se nuk po rrënohet muri, por vetëm po shkurtohet, e dëshmon fakti që më 7 shkurt do të ndërtohet një mur tjetër, shumë pak më tutje nga ky aktuali, dhe do të jetë rreth 1 metër i lartë. Kjo, në fakt tregon që muri nuk po rrënohet, por vetëm po "spostohet" pak më tutje dhe po shkurtohet pak”.

“Arsyeja se pse po rrënohet muri aktual, është që Qeveria e Kosovës të dalë mirë përkohësisht para qytetarëve të saj ngase presioni publik për rrënimin e murit ishte shumë i madh. Mirëpo, marrëveshja e fundit tregon që Serbia ka arritur qëllimin e saj që në atë pjesë të ketë mur. Pra, fillimisht qeveria e Kosovës fiton poena, pastaj pas disa ditësh Serbia fiton mur ndërsa Kosova e humbë edhe më tutje kontrollin mbi veriun e vendit”.

Molliqaj dje tha se “muri nuk do të rrënohet, por vetëm do të shkurtohet”.

© KOHA. Të gjitha të drejtat janë të rezervuara.