“Gërbat” e teknologjisë

5 Shkurt 2017 - 08:01      

“Fol, he folsh me gishta” – thënia që është përdorur në të kaluarën është duke u jetësuar. Kjo “nëmë” të çon sot te fenomeni që ka kapluar botën – njerëz, posaçërisht gjeneratat e reja të humbura në telefona, tabletë apo në kompjuterë, pa e ngritur kokën për t’i ndërruar dy fjalë me kë.

Prindërit janë “fajtorët” kryesorë për ekspozimin e hershëm të fëmijëve ndaj teknologjive, për shkak të “përtacisë” për t’u marrë me nevojat e fëmijëve. Një film vizatimor, një videolojë dhe krejt ngjyrat që i ofron një ekran... në vend të bisedës e lojës me fëmijët, është praktika më e lehtë për t’i rehatuar ata. Pasojat janë më të mëdha sesa mund të paramendohen, shkruan sot “Koha Ditore”.

Profesionistët shëndetësorë alarmojnë se përdorimi i pakontrolluar i teknologjisë dobëson shikimin, prish dhe nuk lejon zhvillimin normal të skeletit trupor, rrit predispozitat për sëmundje kancerogjene, zvogëlon aftësinë e përqendrimit të fëmijëve në gjëra që iu nevojiten, rrit ankthin, i bënë fëmijët të izoluar, të pakënaqur me jetën e tyre, me më pak aftësi për të pasur një personalitet të pavarur, më pak kuriozë, më pak punëtorë e kërkues.

Një gjë e tillë jo vetëm që nuk parandalohet nga prindërit, por as nga shkolla. Në këto institucione nxënësit marrin shembuj të këqij nga mësimdhënësit, të cilët në vend se të rrisin nivelin e përgjegjësisë për përdorimin e teknologjisë, ata vetë e tregojnë “varësinë nga telefoni” edhe në orët mësimore... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.