BE: Marrëveshja për murin zbut tensionet në veri të Kosovës

4 Shkurt 2017 - 16:49      

Zyra e BE-së në Kosovë ka mirëpritur përpjekjet intensive për arritjen e marrëveshjes për mur në Mitrovicën e veriut.

“Së bashku kanë arritur një zgjidhje që do të zbutur tensionet në veri të Kosovës, të ndihmojë lirinë e lëvizjes dhe krijimin e një ambienti që do të përfitojnë të gjithë qytetarët në Mitrovicën veriore dhe jugore. Gjatë ditëve të ardhshme do të njoftojë për rishikimin e planit për zonën e këmbësorëve, e cila ka bazën në marrëveshjen e arritur në Bruksel. Ne e pranojmë se çështja ka shkaktuar pasiguri në periudhën e mëparshme, por jemi të kënaqur që të dy palët kanë marrë një qasje konstruktive për të përfunduar këtë çështje në një mënyrë të qëndrueshme”, thuhet në reagimin e zyrës së BE-së.

Marrëveshja në mes Qeverisë së Kosovës dhe kryetarit të Mitrovicës së veriut, Goran Rakiq është arritur nën lehtësimin e zyrës së BE-së në Kosovë, Ambasadës Amerikane në Kosovës.