Nis rrethimi i murit në veri

4 Shkurt 2017 - 14:37      

Derisa po mbahej mbledhja urgjente e Kuvendit Komunal të Mitrovicës së Veriut, e cila do të miratonte planin e dakokrudar një natë më parë pas negociatash disa orëshe, në terren vetëm ka nisur rrethimi i murit.

Siç e ka prezantuar Goran Rakiq, kryetar i Mitrovicës së Veriut, muri i tanishëm do të hiqet tërësisht nga aty, ndërsa një tjetër strukturë më e ultë do të vendoset dy metra më në thellësi për të mbrojtur atë që do të krijohet si shesh i këmbësorëve.

Rakiq ka thënë se pa përfshirjen e Beogradit në këtë proces marrëveshja nuk do të mund të ishte arritur. E ditë më parë, i pari i shtetit Hashim Thaçi ka thënë se nuk do të negociohet me Serbinë për murin dhe çështje të brendshme të Kosovës.

Deri në orën 2:30 të mëngjesit të sotëm kanë zgjatur negociatat mes ministrit të ambientit Ferat Shala dhe kryetarit të Mitrovicës Veriore, Goran Rakiq, e në të cilën kanë qenë të pranishëm edhe përfaqësues të Zyrës së BE-së e Ambasadës Amerikane në Kosovë.

© KOHA. Të gjitha të drejtat janë të rezervuara.

Lexoni edhe:

Kuvendi Komunal i Mitrovicës së Veriut voton për marrëveshjen që ridizajnon murin [video]

Rakiq tregon se si do të duket sheshi “Mbreti Petar” në veri -

Rakiq: Njësitë Speciale të policisë nuk do të hyjnë në veri t’i shqetësojnë qytetarët -

Kuvendi miraton rendin e ditës -

Mbledhja urgjente e veriorëve ndërron lokacion -

Kompania që e ndërtoi murin do të merret me rrënimin e tij -

Mitrovica e Veriut thërret mbledhje urgjente [dokument] -