Gjuriq ia lë Vuçiqit meritat për marrëveshjen mbi murin, nga BE “pret barazi”

4 Shkurt 2017 - 11:27      

Drejtori i të ashtuquajturës Zyrë për Kosovë në Qeverinë e Serbisë, Marko Gjuriq, ka thënë se ka pasur një natë pa gjumë mbrëmë.

“Përfaqësuesit tanë rreth orës 2:30 kanë arritur një marrëveshje se si do të organizohet hapësira rreth urës, me mbështetjen e të gjithëve që kemi qenë të përfshirë, përfshirë edhe përfaqësuesit e BE-së dhe SHBA-së që ishin të pranishëm”, ka thënë Gjuriq për rts, përcjell Koha.net.

Gjuriq ka thënë se kjo marrëveshje u arrit duke iu falënderuar edhe angazhimit diplomatik të shefit të tij në Kryeministri, Aleksandër Vuçiq.

Gjuriq ka thënë se pret nga Brukseli që në ditët e ardhshme të trajtojë njësoj si Beogradin edhe Prishtinën, ngase, siç ka thënë ai, nuk janë të gjithë njësoj fajtorë për përshkallëzimin e situatës në Kosovë.

“Shikoni çfarë ndodh. Kur Prishtina punon njëanshëm, ata heshtin”, ka thënë Gjuriq.

© KOHA