Vulin i brengosur për fatin e dialogut, kërkon që liderët e Kosovës të sillen si Vuçiqi!

3 Shkurt 2017 - 14:22      

Ministri për Punë e çështje lufte i Serbisë Aleksandar Vulin i ka deklaruar sot në Bruksel komisarit europian për Fqinjësi të mirë e zgjerim Johannes Hahnit se është i brengosur për fatin e dialogut me Prishtinën dhe me sigurinë e serbëve të Kosovës, transmeton Koha.net.

“Sjellja e Prishtinës në të cilën niset nga supozimi se Serbia i ka borxh dikujt dhe ku nuk iket as nga përmendja e dhunës dhe krijimi i trazirave e të pasigurisë së serbëve. Për ne kjo është absolutisht e papranueshme”, citon FoNet të ketë thënë Vulin.
Ai ka deklaruar se kryeministri serb Aleksandar Vuçiq ka treguar aftësi të madhe që të përmbahet në interesin e jetës së serbëve të Kosovës, dialogut e stabilitetit rajonal, të kontrolloj situatën e të qetësojë serbët e Kosovës dhe të dërgojë mesazhin se do të bëjë të gjitha për të ruajtur paqen e stabilitetin.

“Nuk po shihet kjo përmbajtje, guxim dhe aftësi nga pala e Prishtinës”, ka thënë Vulin
Ai ka shfaqur shpresën se Komisioni Europian të paraqesë qëndrim të qartë se kush po i shkel marrëveshjet e arritura dhe është pengues i dialogut.
“Serbia nuk është”, ka thënë ai.

© KOHA. Të gjitha të drejtat janë të rezervuara.