BE: Emërimi i ministrit të Integrimit siguron efektivitet në zbatimin e MSA-së

3 Shkurt 2017 - 07:00      

Përfaqësuesja e lartë e Bashkimit Evropian në Prishtinë, Natalia Apostolova, ka theksuar rëndësinë e emërimit të ministrit të ri të Integrimit.

Kreu i Kuvendit, njëkohësisht kryetar i PDK-së, Kadri Veseli, i kishte premtuar Apostolavas se brenda javës do ta emëronte pasardhësin e Bekim Çollakut në krye të kësaj ministrie, por nuk i ka dalë në fjalë zyrtares evropiane.

“Është e rëndësishme që Qeveria të emërojë ministrin e Integrimit Evropian për të siguruar vazhdimësi dhe efektivitet në zbatimin e Marrëveshjes së Stabilizim- Asocimit, si dhe caktimin e prioriteteve drejt qëllimit të afrimit me BE-në”, shkruan në përgjigjen e BE-së, kur janë pyetur për “shkeljen” e premtimit të kryeparlamentarit Veseli, se brenda javës do ta emërojë pasardhësin e Bekim Çollakut.

Në konferencën e përbashkët të mërkurën e javës së kaluar, Apostolova kishte “përgëzuar” kryetarin Veseli për njoftimin se raporti financiar i partisë më të madhe politike do të publikohet së shpejti, dhe “për zotimin se emërimi i ministrit për Integrim Evropian do të bëhet brenda një jave”.

Raporti financiar u publikua, por nuk u bë emërimi i ministrit. (Detajet mund t’i gjeni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.