U premtua ngritje për 1 mijë vende por UP-ja u rendit vetëm 88 vende më lartë [video]

2 Shkurt 2017 - 19:28      

Janë publikuar rangimet e universiteteve botërore, sipas një hulumtimi të bërë nga Këshilli i Lartë i Kërkimeve në Spanjë, i cili me metoda shkencore mat prezencën e një universiteti në ueb.

Universiteti i Prishtinës për këtë vit radhitet në vendin e 3 mijë e 790-të, 88 vende më lart se vitin e kaluar.

Rektori Marjan Dema thotë se kanë filluar shkëndijat e para, të cilat tregojnë se Universiteti i Prishtinës po avancohet dhe po vërehet puna e madhe që sipas tij është bërë.

Por, të kënaqur me këtë pozitë nuk janë njohësit e arsimit. Sipas tyre, nuk çon peshë të madhe kjo shifër që shënon ngritje për UP-në, pasi edhe cilësia duhet të jetë pjesë e pandashme e tij.

Dukagjin Pupovci ndër të tjera shpjegon se 50% e pikëve vijnë nga numri i vegzave që i janë dhënë UP-së jashtë domenit të tij. Universiteti i Prishtinës vazhdon të jetë larg universiteteve kryesore publike të vendeve të rajonit.

© KOHA. Të gjitha të drejtat janë të rezervuara.