Ligji për Investimet Strategjike s’po shihet si shkop magjik për të sjellë investime [video]

2 Shkurt 2017 - 19:22      

Ligji për Investimet Strategjike nuk po shihet si shkopi magjik që do të mund të bindë investitorët e jashtëm për të sjellë investimet e veta në Kosovë.

Mungesa e rendit dhe ligjit dhe problemet me furnizim me energji janë problemet e identifikuara tashmë që po pengojnë shtetin të shndërrohet në zonë atraktive investimi.

Safet Gërxhaliu nga Oda Ekonomike e Kosovës thotë se për të mos mbetur ligji vetëm si dekor nëpër sirtarë, duhet angazhim serioz në përmirësimin e rendit dhe ligjit.

Drejtues të Këshillit të Investitorëve Evropianë kërkojnë nga qeveria që çdo proces ta bëjë sa më transparent.

Për shkak të problemeve të shumta politike, vitin e kaluar Kosova ka pasur 100 milionë euro më pak investime se më 2015.

© KOHA. Të gjitha të drejtat janë të rezervuara.