Gjykata Kushtetuese nuk është vendi ku duhet të shkojë ligji i FSK-së

31 Janar 2017 - 20:56      

Avokati Dastid Pallaska në Rubikon të KTV-së tha se nuk ka nevojë të preket Kushtetuta dhe rrjedhimisht nuk ka nevojë për votën e minoriteteve, në këtë rast Listës Srpska.

"Prej kur ka filluar ky debat kam qenë i çuditur se qysh për një ndryshim të emrit të shkohet në një rrugë si janë ndryshimet kushtetuese. Në fund te ditës duhet pasur të qartë se shtesat në misionin dhe objektivat nuk janë të këqija, janë të mirëseardhura por nuk pamundësojnë këtë mision", ka thënë ai.

"Kushtetuta nuk ka nevojë të preket. Ligji i FSK-së nuk është me interes vital dhe kësisoj nuk ka nevojë për votë të dyfishtë", tha ai.

Përballë tij, Anton Quni nga Komisioni për Siguri tha se do të dëshironte shumë nëse çështja do të ishte aq lehtë e zgjidhshme.

"Nëse mendon Dastidi që me mision i lejohet të ushtrojë detyra ushtarake, në planprogramin e trajnimeve nuk e kanë me armë të atij kalibri, janë disa armë të lehta, dhe me këtë kalibër nuk mund të zhvillosh operacione", ka thënë Quni.

Tutje Quni tha se edhe në stërvitjen e ushtarëve janë limitet me të cilat përballet Forca e Sigurisë së Kosovës.

© KOHA. Të gjitha të drejtat janë të rezervuara.