Për mosimplementim të marrëveshjes, MSH mund të paguajë 50 mijë euro në muaj [video]

31 Janar 2017 - 19:13      

50 mijë euro në muaj do të paguajë Ministria e Shëndetësisë për shkak të vonesës për të implementuar marrëveshjen për modernizim të kardiologjisë, raporton KTV.

Ky penalizim do të ndodhë pasi ministria nuk po arrin që të përfundojë procedurat për të adoptuar ambientin ku do të vendoset koronarografi i ri, i cili është blerë dhe po qëndron në një depo në Austri.

I vetëdijshëm se rrezikon këto shuma të mëdha nga buxheti edhe ashtu i mangët për sektorin që e drejton, ministri fajin e hedh te procedurat e prokurimit dhe parasheh se mund të vonohen në implementim.

Kjo ka ngjallë shumë reagime nga deputetët e komisionit parlamentar, të cilët po e kritikojnë atë për neglizhencë. Televizioni ditë më parë ka raportuar se ende nuk është bërë asnjë lëvizje për të përgatitur hapësirën ku do të vendoset aparatura e re. Ministri i Shëndetësisë është kritikuar shumë edhe për mosfillimin e implementimit të ligjit për sigurime shëndetësore.

Për mosimplementim të marrëveshjes, MSH mund të... by kohanet

© KOHA. Të gjitha të drejtat janë të rezervuara.