E domosdoshme ruajtja e pavarësisë së institucioneve gjatë zbatimit të legjislacionit të SHC

31 Janar 2017 - 15:08      

Kryetari i Këshillit të Pavarur Mbikëqyrës për Shërbimin Civil të Kosovës, z. Shkëmb Manaj, i shoqëruar nga anëtarja e Këshillit ,znj. Gjylinaze Gola, janë takuar sot me Avokatin e Popullit, z. Hilmi Jashari.

Në këtë takim, kryetari Manaj e njoftoi Avokatin e Popullit lidhur me realizimin e funksioneve kushtetuese dhe ligjore të Këshillit të Pavarur, rreth zbatimit të legjislacionit të shërbimit civilë si dhe për nevojën e ruajtjes së pavarësisë institucionale të institucioneve të pavarura kushtetuese gjatë zbatimit të legjislacionit të shërbimit civilë.

Avokati i Popullit, z. Jashari e njoftoi kryetarin e Këshillit, z. Manaj lidhur me të arriturat e Institucionit të Avokatit të Popullit si dhe nevojën e koordinimit ndërinstitucional.

Krerët e dy institucioneve janë dakorduar që të thellojnë bashkëpunimin në kuadër të përgjegjësive kushtetuese dhe ligjore.