Avokatura shtetërore që do duhej mbrojtur institucionet, ua humbi atyre shumë miliona [video]

30 Janar 2017 - 21:29      

Avokatura shtetërore, e cila është në kuadër të Ministrisë së Drejtësisë e që është e thirrur t’i mbrojë institucionet në seanca të ndryshme gjyqësore ka dështuar në shumë raste.

Këtë e ka pranuar vetë ministrja Hoxha, që ka folur në “Puls” të KTV-së, për këtë çështje.

“Kam shumë ankesa nga ministritë e ndryshme për punën e avokatit të shtetit. Kjo avokaturë ka humbur shumë raste dhe kemi humbur raste ku buxheti i shtetit është dëmtuar me multimiliona euro”, ka thënë Hoxha.

Ajo ka treguar se vetëm gjatë vitit 2016 kjo avokaturë në MD ka përfaqësuar institucionet e Kosovës në gjithsej 3864 seanca, ndërsa shumë raste që janë humbur kanë të bëjnë kryesisht me shpronësime.

“Është koha e fundit që zyrtarët të marrin përgjegjësinë për punën e tyre, shumë shpejt do të merren masa dhe nuk do të toleroj të punohet në këtë formë”, ka thënë Hoxha.

© KOHA. Të gjitha të drejtat janë të rezervuara.