Remi: S’ka hapësirë për shqetësim

28 Janar 2017 - 10:21      

Ish deputeti i PDK-së e anëtari i Kryesisë së kësaj partie, Rrustem Mustafa ka shprehur se “shqiptarët reagojnë bashkë në përmirësim të sigurisë për regjion”. Ka thënë se “ndjehemi të sigurt”.

“Falënderojmë shtetin shqiptar (me kufi zyrtar) për kujdesin në rriten e lirisë për të gjithë ne që jetojmë në hapësirat shqiptare, bashkë me kujdesin e NATO-s (SHBA-ve). Jam i sigurt se kombi ynë është në rrugën e duhur, duke e siguruar vendin në krah me kombet e qytetëruara, për të shndërruar vendin në territor që do të ketë siguri për njerëzit, pronën, pasurinë dhe ndërmarrjet në tregun e lirë”, ka shkruar Mustafa.

“Tani kur lirinë dhe zhvillimin e sigurojnë vetë shqiptarët në rend të parë, nën kujdesin e NATO-së (SHBA-ve) dhe miqve tanë, me të cilët po ndërtojmë siguri afatgjatë për vetë rajonin e dhe me gjerë. Në vendin tonë nuk ka hapësirë për shqetësim ne jemi në rrugë të mbarë, por duhet të angazhohemi secili nga ne për të mirën e vendit tonë, sigurisht e mira më e madhe për ne është ndjeshmëria e zyrtarëve ndaj të mirave shtetërore dhe respektimi i të drejtave sistemore kushtetuese”, ka shtuar më tej ish komandanti i Zonës Operative të Llapit.

© KOHA. Të gjitha të drejtat janë të rezervuara.