8 milionë euro në institucione private, 70 për qind e pacientëve do të mundë të trajtoheshin në QKUK

28 Janar 2017 - 06:30      

Ministria e Shëndetësisë ka paguar mbi 8 milionë euro në vitin 2016 për trajtim jashtë institucioneve publike. Nga rreth 1.000 kërkesa të aprovuara të pacientëve gati 700 kërkesa janë për sëmundje të zemrës, shkruan sot Koha Ditore.

Në Qendrën Klinike Universitare janë dy klinika që bëjnë këto trajtime, për të cilat shteti ka paguar në sektorin privat. Klinika e Kardiologjisë dhe ajo e Kardiokirurgjisë janë “varur” nga prishja e një koronarografi, i cili më së shumti mund të kushtojë rreth 400 mijë euro i papërdorur dhe më i sofistikuar se ky aktuali.

Para janë shpenzuar edhe duke blerë material. Gazeta nga burime brenda QKUK-së ka mësuar që pas dy javësh pritet t’u skadojë afati edhe dhjetëra e mijëra eurove material shpenzues për zemër. Pjesa më e madhe e këtij materiali janë kateter e balona. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.