I suspenduar nga dhjetori i 2015-s, zyrtari i MTI-së vazhdon të marrë 50 % të pagës [video]

27 Janar 2017 - 20:50      

Zyrtari i Ministrisë së Tregtisë dhe Industrisë, Xhemajl Syla, ndaj të cilit rishtazi u ngrit aktakuzë, ishte suspenduar nga dhjetori i vitit 2015.

Zyra për media e kësaj ministrie nuk ka dhënë informacione për arsyet e suspendimit, por vetëm ka konfirmuar se ai vazhdon të mos paraqitet në punë, e vazhdon të marrë 50% të pagës.

Syla dhe bashkëpronari i kompanisë MDA, Luan Dalipi, akuzohen për keqpërdorim të detyrës zyrtare.

Ligji dhe rregullorja nuk kishin vlejtur për këtë ministri në një rast më herët, kur me gjithë suspendimin, pagën e plotë ia kishin dhënë një zyrtari në Departamentin e Ndërtimtarisë.

Zyrtari në fjalë, sipas raportit të auditorit, kishte marrë pagën e plotë pa punuar fare nga data 10 shtator deri në nëntor të vitit 2015, e ministria, ishte arsyetuar se një lëshim i tillë, ndodh për shkak se nuk kishin marrë një raport nga Policia e Kosovës.

Analistët, megjithëse shprehen për kufizimin e periudhave të suspendimit, si pjesë të këtij problemi e shohin edhe stërzgjatjen e proceseve gjyqësore.

I suspenduar nga dhjetori i 2015-s, zyrtari i... by kohanet

© KOHA. Të gjitha të drejtat janë të rezervuara.