Komunat nuk zbatojnë Ligjin kundër duhanit

26 Janar 2017 - 15:39      

Kryesuar nga Ministri i Shëndetësisë Imet Rrahmani, në Ministrinë e Shëndetësisë u mbajt sot takimi i Këshillit Ndërministror për Kontrollin e Duhanit, në të cilën u raportua për aktivitetet në monitorimin dhe mbikëqyrjen e zbatimit të këtij ligji, njofton kumtesa ministrore, transmeton Koha.net.

Në takim u vlerësua se involvimi i autoriteteve komunale në zbatim të rekomandimeve të dala nga takimi i mbajtur në ndërtesën e Qeverisë, ku kanë marrë pjesë edhe kryetarët e komunave, ka qenë i ulët , ndërkohë që është përshëndetur përparimi i bërë në Komunën e Drenasit në zbatimin e këtij ligji.

Këshilli vlerësoi se shkeljet e ligjit janë shpeshtuar dhe bërë dukuri si pasojë e involvimit të ulët të inspektorëve komunalë dhe bashkëpunimit jo adekuat midis nivelit qendror dhe atij lokal.
Gjithashtu, Këshilli ka shprehur shqetësimin e tij që “denoncues” të pa-përgjegjshëm, keqpërdorin numrin 080011000 për të ofenduar e kërcënuar zyrtarët që përgjigjen në këtyre numër në Ministrinë e Tregtisë e Industrisë, sidomos pronarë të kafe- bareve të ndryshme, të cilët shkeljet e ligjit nga ana e tyre, përpiqen t’i arsyetojnë me gjoja denoncimet përmes këtij numri.