MSH dëshiron ekspertizë britanike në përzgjedhjen e kuadrove

26 Janar 2017 - 13:12      

Ministri i Shëndetësisë Imet Rrahmani priti sot Ambasadorin e Britanisë së Madhe në Kosovë, Ruairi O’Connell me të cilin biseduan për shëndetësinë në Kosovë dhe bashkëpunimin në këtë fushë, njofton kumtesa ministrore, transmeton Koha.net.

Rrahmani e ka informuar Ambasadorin O’Connell me proceset aktuale në shëndetësi .

Në mënyrë specifike është biseduar për mundësinë e angazhimit të ekspertizës britanike në përzgjedhjen e kuadrove për pozitat e larta në shëndetësi, sipas marrëveshjes që Qeveria dhe Kuvendi i Kosovës kanë bërë me autoritetet britanike, me qëllim që në pozitat e larta të zgjidhen njerëz meritor, përmes procedurave të pranuara ndërkombëtare, në pajtueshmëri me ligjet në Kosovë dhe në mënyrë transparente.
Rrahmani ka mirëpritur gatishmërinë e Britanisë së Madhe, që të përkrah këtë proces përmes ekspertizës dhe asistencës së drejtpërdrejt, sikur edhe bashkëpunimin në segmente të tjera.

© KOHA. Të gjitha të drejtat janë të rezervuara.