Ish-ministri i Kosovës Jabllanoviq dorëhiqet nga pozita në Serbi

26 Janar 2017 - 10:48      

Sekretari i Shtetit në Ministrinë e Punës të Serbisë, Aleksandar Jabllanoviq, ka dhënë dorëheqje nga kjo pozitë për shkak të keqpërdorimit të automjetit zyrtar.

Medeit e Beogradit raportojnë se ministri i Punës, Aleksandar Vulin, ka miratuar dorëheqjen e tij.

Aleksandar Jabllanoviq më herët ka qenë ministër në Qeverinë e Kosovës, të cilin e shkarkoi kryeministri Isa Mustafa, pas protestave të qytetarëve për fyerjen që ua bëri nënave gjakovare, të cilat kërkonin drejtësi për fëmijët e tyre të vrarë nga forcat serbe para dhe gjatë luftës në Kosovë, - transmeton Koha.net.

Ministri Vulin ka sqarua se Jabllanoviq ia kishte vënë në dispozicion veturën e Ministrisë së Punës personave që nuk kanë pasur të drejtë ta përdornin.

Dje mediat serbe raportuan për arrestimin e vëllait të Aleksandar Jabllanoviqit, Marko Jabllanoviqit, pasi në veturën e Ministrisë serbe të Punës, që ai po e voziste, ishte gjetur drogë.

© KOHA. Të gjitha të drejtat janë të rezervuara.