Kosova vazhdon të mbetet e para në rajon me korrupsion [video]

25 Janar 2017 - 19:18      

Ngritja e aktakuzave për më shumë se 400 zyrtarë të shtetit si të dyshuar për përfshirje në afera korruptive, nuk e ka ndihmuar Kosovën që të ndryshojë në renditje dhe kështu mbetet vendi më i korruptuar në rajon, raporton KTV.

Në raportin “Indeksi i perceptimit të korrupsionit 2016”, të publikuar nga Transparency International, Kosova vazhdon të ketë nivel të lartë të korrupsionit, megjithëse në nivel global ka shënuar përparime.

Sipas këtij raporti, njëri nga problemet më të mëdha në Kosovë është mungesa e transparencës për mënyrën e financimit të subjekteve politike. Rezultatet e këtij raporti i ka mirëpritur Qeveria e Kosovës.

Por, Organizata “Çohu” nuk e sheh aspak pozitiv raportin ku Kosova renditet e fundit në rajon. Për dallim nga Kosova, Sllovenia qëndron më së miri në rajon ndërsa Danimarka është e para në botë, kurse Somalia mbetet në vendin e fundit, me nivelin më të lartë të korrupsionit.

Kosova vazhdon të mbetet e para në rajon me... by kohanet

© KOHA. Të gjitha të drejtat janë të rezervuara.