Bajrami habitet pse s’ka vullnet për formimin e Xhandarmërisë së Kosovës

24 Janar 2017 - 20:36      

Mbrojtja nga kërcënimet e Serbisë mund të jetë edhe krijimi i xhandarmërisë së Kosovës.

Kryeredaktori i Kohës Ditore, Agron Bajrami në Rubikon të KTV-së foli për propozimin të cilin ditë më parë e kanë bërë bashkarisht me drejtorin e Institutit Riinvest, Lumir Abdixhiku.
Bajrami theksoi se për një iniciativë të tillë nuk po sheh vullnet as për diskutim nga institucionet e vendit.

“Nëse nuk mundemi ta bëjmë ushtrinë, atëherë ta kemi xhandarmërinë e cila do të ishte efektive që të kontrollojmë situatën si ajo në veri. Mirëpo nuk po shoh vullnet që as ta diskutojmë këtë nga institucionet tona”, ka thënë ai. Dialogu me serbët e Kosovës është shumë më esencial për Kosovën, theksoi tutje Bajrami.

“Ajo çka është bërë për gjashtë vjet në dialog nuk mund të zhbëhet për gjashtë muaj. Në vazhdimësi ka munguar një dialog tjetër i cili ka qenë shumë esencial për ne, një dialog me serbët e Kosovës, me qytetarët e Kosovës”, ka thënë Bajrami.
Çdo komunikim varet nga raportet e serbëve të Kosovës me Kosovën e jo Serbinë, thotë Bajrami.

© KOHA. Të gjitha të drejtat janë të rezervuara.