KEDS/ KESCO vazhdon t’i mbulojë dështimet e veta duke u fshehur prapa KEK-ut

23 Janar 2017 - 13:05      

Edhe pse KEK-u ka informuar Furnizuesin Publik KEDS/KESCO se bëhet fjalë për një devijim të shkurtër, si gjithmonë edhe kësaj radhe, furnizuesi publik KEDS/KESCO, në mungesë të energjisë elektrike dhe në pamundësi të furnizimit të konsumatorëve me energji elektrike sipas përgjegjësisë që mban karshi tyre, thirret dhe raporton në emër të KEK-ut, pa pasur autorizim për këtë çështje, thuhet në një reagim për medie të kësaj të fundit.

Me këtë rast me apo pa vetëdije po zbeh të arriturat e KEK-ut dhe po i demotivon punëtorët të cilët po bëjnë të pamundurën për t’i mbajtur termocentralet në operim edhe në këto temperatura jashtëzakonisht të ulëta, transmeton Koha.net.

Blloku A-4 , ashtu si është njoftuar furnizuesi publik KEDS/KESCO, ka pasur një devijim të shkurtër, mirëpo me angazhimin maksimal të ekipeve të KEK-ut është në operim dhe po prodhon sipas planit, thuhet në njoftimin për medie të Zyrës për marrëdhënie me publikun dhe komunitetin të Korporatës Energjetike të Kosovës (KEK). 

© KOHA. Të gjitha të drejtat janë të rezervuara.