Del nga sistemi A4 i Kosovës A, importi që ka KEDS nuk mjafton

22 Janar 2017 - 20:17      

KEDS është njoftuar në orën 18:45 të ditës së sotme se njësia A4 e Termocentralit Kosova A ka rënë nga sistemi dhe përfundimisht nuk mund të kthehet sot në sistem.

Kjo bën që automatikisht të jenë 130 MWh më pak në sistem.

“Kjo ndodhi në kohën kur konsumi është më i larti si pasojë e motit të ftohët me të cilin po ballafaqohemi. KEDS është duke importuar 350 MW për ta mbuluar konsumin. Por, nevojitet sasi shtesë për ta mbuluar kërkesën pas pakësimit të papritur të prodhimit, por duke e marrë në konsideratë se edhe rajoni po ballafaqohet me kërkesë të rritur, atëherë po shkaktohen vështirësi në furnizimi”, thuhet në njoftim.

“Ne i sigurojmë të gjithë konsumatorët se do të bëjmë çdo gjë që është e mundur që të minimizojmë efektin tek konsumatorët shtëpiak, të shkaktuara nga ky zhvillim i papritur”.

© KOHA. Të gjitha të drejtat janë të rezervuara.