Lekaj: Kosova duhet të ndryshojë karshi Serbisë së pa ndryshuar

22 Janar 2017 - 15:06      

Kryetari i Grupit Parlamentar të AAK-së, Pal Lekaj përmes një postimi në ka thënë se Kosova duhet të ndryshojë që t’i bëjë ballë Serbisë, e cila sipas tij nuk ka ndryshuar.

Ky reagim i tij vjen pas konfirmimit se dy kryeministrat, ai i Kosovës dhe Serbisë do të takohen më 24 janar në Bruksel edhe për kundër sjelljeve të fundit të papërgjegjshme të Serbisë dhe kërkesave që të pezullohen bisedimet.

“Mospjesëmarrja e udhëheqësve institucional në protestën gjithë popullore të organizuar nga OVL-UÇK në mbështetje të një ish-kryeministri dhe një lideri politik me ndikim në Kosovë e për të shfaqur bashkë me ata mijëra njerëz që ishin dje, mos pajtimin me trajtimin që po i bëhet luftës çlirimtare”, ka shkruar Lekaj.

Lekaj ka thënë se me veprimet e tilla të liderëve tregojnë se çfarë sigurie ka Kosova.

“E në anën tjetër konfirmimi i njërit prej këtyre udhëheqësve të Kosovës se do të takohet me kryeministrin e trenit pushtues serb është treguesi më i mirë se kush është sot në krye të vendit dhe se sa janë të sigurt çlirimtarët e Kosovës dhe e ardhmja e saj, duke i pasur udhëheqës disa servila e armik të njëjtin shtet veç ndoshta ma të sofistikuar. Prandaj Kosova duhet të jetë ndryshe për t'i bërë ballë Serbisë e cila nuk ka ndryshuar”, ka shkruar Lekaj.

© KOHA. Të gjitha të drejtat janë të rezervuara.