MI: Rrugët në pjesët e thella malore, në gjendje të mirë

22 Janar 2017 - 15:01      

Mirëmbajtja dhe pastrimi i rrugëve në zonat malore po mundëson një qarkullim të lehtësuar. Rëndësi e veçantë i është kushtuar rrugëve rreth qendrave të turizmit dimëror.

Bazuar në të dhënat na terreni, Ministria e Infrastrukturës njofton se të gjitha rrugët nacionale dhe rajonale mbeten të kalueshme.

“Menaxherët rajonalë të Ministrisë së Infrastrukturës dhe ekipet mbështetëse të MI-së janë duke monitoruar punën e kompanive të kontraktuara, duke qenë në koordinim të plotë. Ekipet e MI-së vazhdojnë të punojnë në bashkëpunim me Policinë e Kosovës dhe ekipet lokale në disa komuna, në të cilat ka pasur reshje më të mëdha të borës”, thuhet në njoftimin e MI-së.

Ministria e Infrastrukturës i këshillon qytetarët e Kosovës që të kenë pajisjet e nevojshme dimërore gjatë udhëtimit dhe të jenë të kujdesshëm në komunikacion duke respektuar ligjin. 

© KOHA. Të gjitha të drejtat janë të rezervuara.