Gazetarja serbe që ishte në tren: Serbët nuk ishin të entuziazmuar [video]

20 Janar 2017 - 19:24      

Atmosfera brenda trenit të linjës Beograd-Mitrovicë, i cili u kthye mbrapsht të shtunën e 14 janarit pas mobilizimit të Policisë së Kosovës për ta ndaluar hyrjen e tij në Kosovë, duket të ketë qenë shumë më pak e gjallëruar nga sa ishte pandehur në publik.

Sanja Sovrliq, një gazetare e televizionit Mir nga Leposaviçi, e cila ishte në mesin e udhëtarëve që kishin qenë brenda trenit, ka thënë në një intervistë për emisionin COSMO të KTV-së, se serbët nuk ishin të entuziazmuar me pamjen e brendshme të trenit, duke aluduar në ikonografinë ortodokse serbe me të cilën ishin veshur muret e brendshme të trenit.

Po ashtu, në gjykimin e Sovrliq, serbët e Kosovës nuk ishin të mahnitur me pamjen e trenit që dështoi të hynte në Kosovë.

© KOHA. Të gjitha të drejtat janë të rezervuara.