Hysenaj: Tendenca për kontrollimin e mediave s’fillon as s’mbaron me këtë pushtet

19 Janar 2017 - 21:09      

Kryetari i Asociacionit të Gazetarëve të Kosovës, Shkëlqim Hysenaj, përmes një postimi në profilin e tij në Facebook ka dënuar gjestin e deputetëve të Vetëvendosjes, kur në një pano që kanë shfaqur në Kuvendin e Kosovës kanë paraqitur edhe fytyrat e drejtorit të përgjithshëm të RTK-së, Mentor Shala dhe kryeredaktorit të RTK3 Ridvan Berisha.

Driton Çaushi e Finsik Ismaili e bënë këtë deri sa po fliste Albulena Haxhiu.

“Ky është një akt i turpshëm. Linçimi dhe mveshja e akuzave të tilla siç po bënë Vetëvendosje me kolegët gazetarë të RTK-së është treguesi më i fortë se tendenca për kontrollimin e mediave nuk fillon e as nuk mbaron me këtë pushtet”, ka shkruar Hyseni.

© KOHA. Të gjitha të drejtat janë të rezervuara.