Dikoviq i thotë Fungos se e di që KFOR-i është garantues i sigurisë në Kosovë

19 Janar 2017 - 17:02      

Shefi i Shtabit të Përgjithshëm të Forcave të Armatosura të Serbisë, gjenerali Ljubisha Dikoviq dhe komandanti i KFOR-it Gjeneralmajor Giovanni Fungo kanë biseduar sot për gjendjen aktuale politike dhe të sigurisë në Kosovë si dhe në Zonën tokësore të sigurisë.

Ministria e Mbrojtjes e Serbisë ka njoftuar se gjeneralit Dikoviq ka vlerësuar lartë bashkëpunimin me KFOR-in, dhe se kjo është e karakterizuar me një shkallë të lartë të besimit reciprok dhe profesionalizmit. Ai përsëriti se “Ushtria e Serbisë, në përputhje me Rezolutën 1244 të OKB-së dhe Marrëveshja Ushtarake Teknike, KFOR-i shihet si forca kryesore për ruajtjen e sigurisë në Kosovë”.

Sipas njoftimit, që përcjell FoNet, duke shprehur shqetësimin me situatën e krijuar me trenin serb që synonte të hynte në veri të Kosovës, Dikoviq ka thënë se “Serbia dhe KFOR-i janë përgjegjëse për ruajtjen e sigurisë në të dy anët e vijës administrative, derisa KFOR-i si aktor ndërkombëtar ka një përgjegjësi të madhe për sigurinë e të gjithë njerëzve në krahinë [siç i është referuar ai], sidomos popullatës joshqiptare”.
Gjeneral Fungo konfirmoi se KFOR-i do të marrë të gjitha masat për të siguruar paqen dhe për të mbrojtur të gjithë popullsinë në Kosovë, sidomos ata që janë më të rrezikuar, thuhet në njoftim transmeton Koha.net.

© KOHA