I arrestuari në Burgun e Dubravës, nuk është zyrtar i MASHT-it

19 Janar 2017 - 10:43      

Ministria e Arasimit përmes një sqarimi për media, ka mohuar se i arrestuari në Qendrën Korrektuese në Dubravë, deri sa po tentonte të fusë lëndë narkotike brenda hapësirës së tij, transmeton koha.net.

MASHT në sqarimin e tij thekson:

Në mediat e vendit, dje është dhënë lajmi se një zyrtar i Ministrisë së Arsimit, Shkencës dhe Teknologjisë është arrestuar në Qendrën Korrektuese në Dubravë, duke tentuar të fusë lëndë narkotike brenda hapësirës së këtij burgu. Sipas kësaj informate, zyrtari i arrestuar është i punësuar në shkollën e kësaj Qendre në Dubravë.

Menjëherë pas publikimit të këtij lajmi, MAShT ka kërkuar nga Sektori i Inspektimit në Pejë që të marrë informata të detajuara rreth rastit. Sipas raportit të Inspektoratit Rajonal, personi i arrestuar nuk është zyrtar i MAShT. Ky person është mësimdhënës i gjuhës angleze në Shkollën e Mesme Teknike “Mithat Frashëri” në Gurrakoc të Istogut, paralelja e ndarë në Qendrën Korrektuese në Dubravë.

Pra, MAShT sqaron opinionin e gjerë se, personi i arrestuar nuk është zyrtar i Ministrisë (siç është raportuar), por është mësimdhënës i punësuar nga Drejtoria Komunale e Arsimit në Istog.

Lexoni edhe: Ndalohet zyrtari i MASHT-it për kontrabandim të narkotikëve

© KOHA. Të gjitha të drejtat janë të rezervuara.