Prorektori i UP-së viziton studentët kosovarë në Nysa të Polonisë

19 Janar 2017 - 10:16      

Prorektori për bashkëpunim ndërkombëtar në Universitetin e Prishtinës, Afrim Hoti po qëndron për një vizitë në Universitetin e Shkencave të Aplikuara të Nysas në Poloni, si pjesë e shkëmbimeve akademike në kuadër të projektit Erasmus+.

Në kuadër të kësaj vizite, prorektori Hoti po mbanë ligjërata për studentët e Universitetit të Nysas, si dhe takime me përfaqësuesit e këtij universiteti. Hoti ka falënderuar për mbështetjen që Universiteti i Nysas po i ofron studentëve dhe stafit të Universitetit të Prishtinës, duke shprehë gatishmërinë për vazhdim dhe thellim të bashkëpunimit ndërmjet dy institucioneve.

Prorektori Hoti, gjithashtu ka takuar studentët e UP-së, të cilët janë përfitues të bursave Erasmus+ për një semestër në Nysa.

“U impresionova me sukseset e studentëve tanë në Nysa, me interesimin e tyre për të përfituar sa më shumë njohuri nga ky shkëmbim, por gjithashtu u shpreha gatishmërinë tonë për mbështetje’’, tha prorektori Hoti. 

© KOHA. Të gjitha të drejtat janë të rezervuara.