“Treni u ndal, por Kosova mbeti e njëjtë”

18 Janar 2017 - 23:47      

Daut Haradinaj nga AAK thotë se ndalimi i hyrjes në Kosovë të trenit serb me mbishkrimin “Kosova është Serbi” nga autoritetet kosovare, ishte vendim i drejtë, por që nuk ka ndryshuar asgjë në vend.

Ai thotë se nuk ishte një gjë e madhe hyrje e policisë në veri sepse ajo duhet të jetë njësoj sikurse të hyhet në pjesët tjera të shtetit.

“Mendoj se duhet të shikohet kronologjia e shumë ngjarjeve që dy vjet e deri atë ditë. Ai ishte një operacion kaq. Nuk ndryshoi Kosova. Operacioni i drejtë e kemi përshëndet, por Kosova të nesërmen u zgjua njëjtë”, ka thënë ai në Interaktiv.

Duke folur për deklaratën e presidentit Hashim Thaçi që kishte thënë se ka meritat për këtë ndalim, Haradinaj ka thënë se “poenë politikë mund të marrin kush të dojë, por urdhri jepet nga shefi i policisë”.

© KOHA. Të gjitha të drejtat janë të rezervuara.