Haradinaj e quan të çuditshëm faktin që emri i vëllait të tij është në listën e INTERPOL-it

18 Janar 2017 - 23:25      

Deputeti i AAK-së, Daut Haradinaj, në Interaktiv të KTV-së ka folur lidhur me ndalimin e vëllait të tij në Francë, me një urdhërarrest të lëshuar nga Serbia në vitin 2004.

Ai ka deklaruar se institucionet e Kosovës duhet të shprehin më shumë interesim për këtë situatë dhe jo pasi të ndodhen këto.

Haradinaj ka thënë se nuk po arrin të kuptojë përse këto ndalime po i përsëriten liderit të AAK-së.

“Po të kishin bërë preventivën, do të largoheshin emrat, siç janë larguar 150 të tjerë. Meqenëse vet fakti që është i vetmi politikan në atë listë, të lë të kuptosh diçka. Është e çuditshme pasi i ka kryer këto procedura dy herë në Hagë e në rastin në Slloveni. Nuk po hi në teori konspiracioni, por është i vetmi person politik në atë listë”, ka thënë Haradinaj në Interaktiv.

© KOHA. Të gjitha të drejtat janë të rezervuara.