Durrësi, porta hyrëse e Kosovës

19 Janar 2017 - 06:30      

Porti i Durrësit këtë vit do të kthehet në portën hyrëse të Kosovës. Brenda muajit shkurt Kosova do të ketë një terminal të vetin në Portin e Durrësit, shkruan sot Koha Ditore.

Të dy qeveritë kanë ngritur një grup të përbashkët pune, i cili do të bëjë gati procedurat për të lënë një pjesë të doganës në këtë port posaçërisht për bizneset kosovare, duke ia mundësuar asaj daljen në det. Ndërkohë që pika e përbashkët doganore do të jetë funksionale përpara mbledhjes së përbashkët të dy qeverive.

Në një konferencë të përbashkët me homologun e tij nga Kosova, Avdullah Hoti, të mërkurën, në Tiranë, ministri i Financave i Shqipërisë, Arben Ahmetaj, është shprehur se në muajin shkurt dy shtetet do të kenë gati kuadrin ligjor për të bërë të mundur hapjen e pikës doganore të Kosovës në Durrës. Ndërsa duke filluar nga 1 maji i këtij viti do të riaktivizohet “korsia e gjelbër” për produktet e freskëta të të dyja vendeve.
(Më shumë lexoni sot në Koha Ditore)

Tash gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.