Ilir Meta takim në Departamentin Amerikan të Shtetit

18 Janar 2017 - 22:36      

Gjatë vizitës në Shtetet e Bashkuara të Amerikës, kryetari i Kuvendit Ilir Meta është pritur sot në një takim në Departamentin Amerikan të Shtetit. Kreu i Kuvendi është takuar me Ndihmës Sekretarin e Shtetit William Brownfield.

Ilir Meta ndodhet në SHBA për të marrë pjesë në ceremoninë e inaugurimit të Presidentit të SHBA, Donald Trump.

Kryetari i Kuvendit të Shqipërisë,Ilir Meta takohet në Washington DC me Ndihmës Sekretarin e Shtetit, Ambasadorin William Brownfiled.

Gjatë vizitës së tij në Washington DC, Kryetari i Kuvendit të Shqipërisë, Ilir Meta u takua me Ndihmës Sekretarin e Shtetit, Ambasadorin William Brownfield.

Ndihmës Sekretari Brownfield vlerësoi miratimin e reformës kushtetuese në drejtësi me konsensus të gjerë si hap që shtron rrugën për një implementim të shpejtë dhe efikas të saj. Brownfield vlerësoi lart rolin e Kryetarit Meta për kontributin e tij të drejtpërdrejtë në këtë arritje madhore për Shqipërinë. Ai konfirmoi vazhdimin e mbështetjes së administratës amerikane në fazën delikatë të zbatimit të reformës për një proces të besueshëm dhe të qëndrueshëm.

Ambasadori Brownfield shprehu kënaqësinë për hapat e kryera në reformën në drejtësi nga që nga takimi i fundit me Meta, në qershor të vitit të kaluar.
Gjatë takimit u konfirmua mbështetja për implementimin e Byrosë së Hetimit dhe SPAK-u dhe gatishmëria e SHBA-së për të monitoruar nga afër këtë proces.