Vetëvendosje e shqetësuar me problemet në arsim

18 Janar 2017 - 19:56      

Grupi parlamentar i Lëvizjes Vetëvendosje mbështetur nga Komiteti për Arsim dhe kërkim shkencor mbajti debat në Kuvendin e Kosovës lidhur me gjendjen e Arsimit Parauniversitar në Kosovë dhe Rezultatet e testit PISA, njofton kumtesa partiake, transmeton Koha.net.

Në këtë debat orësh përveç profesorëve me përvojë, studiuesve të fushës, mësimdhënësve, veteranëve të arsimit, drejtorë të drejtorive arsimore në Komuna, studentë dhe nxënës, morën pjesë edhe përfaqësues të MASHT-it, Akademisë së Shkencave, deputetë dhe përfaqësues të sindikatave të arsimit.
Grupi parlamentar i Vetëvendosjes, i shqetësuar, si shumë kush në Kosovë, për problemet e mëdha me të cilat po ballafaqohet arsimi dhe për cilësinë e ulët në fushën e arsimit në Kosovë që në fillimin e muajit dhjetor e ka ftuar Ministrin e Arsimit në interpelancë e cila do të ndodh nesër, më 19 janar, ku do të diskutohet për gjendjen në arsim dhe do të propozohen zgjidhje të cilat do të kontribuojnë në ngritjen e cilësisë dhe zgjidhjen e problemeve të tjera të kësaj fushe shumë të rëndësishme për vendin tonë.

Debati nisi me fjalën e deputetit Ismajl Kurteshi i cili paraqiti synimet e këtij organizimi i cili është vetëm një nga debatet e vazhdueshme që do të kemi në vijim si grup masash shumë me të gjera për të adresuar gjendjen tepër të rënduar në fushën e arsimit parauniversitar.

© KOHA. Të gjitha të drejtat janë të rezervuara.