BE me përkrahje të madhe për Kosovën rreth trenit [video]

18 Janar 2017 - 19:02      

Kosova ka fituar përkrahje të madhe ndërkombëtare pas ngjarjeve të fundit me trenin dhe është dënuar ashpër veprimi i Serbisë i javës së kaluar.

KohaVisioni ka mësuar nga burime diplomatike në Bruksel se liderë të institucioneve të Bashkimit Evropian e kanë të qartë se ky ka qenë një provokim i papranueshëm nga ana e Serbisë.

“Por, publikisht, Brukseli duhet të mbajë qëndrimin neutral, veçanërisht karshi kryeministrit serb, Vuçiq, të cilin e sheh si personin e vetëm me të cilin mund të diskutohet çështja e Kosovës dhe pa diskutim është kundër qasjes së Presidentit Nikoliq dhe deklaratave të tij se nëse rrezikohet jeta e serbëve, do ta sjellin ushtrinë në Kosovë”, kanë thënë burime diplomatike për televizionin.

Kjo vërtetohet edhe me deklaratën e fundit të Përfaqësueses për Politikë të Jashtme të BE-së, Federica Mogherini, e cila ka përkrahur qasjen e kryeministrit Vuçiq dhe e sheh atë si partner të rëndësishëm të BE-së.

Presidenti Thaçi, së fundmi ka folur për agjencinë e lajmeve Reuters, duke thënë se Serbia po udhëhiqet nga mendësia e Rusisë në raport me Kosovën.
Qëndrimet i ka zbutur edhe kryeministri serb Vuçiq, pas një takimi me zëvendëspresidentin amerikan, Joe Biden.

BE me përkrahje të madhe për Kosovën rreth trenit by kohanet

© KOHA. Të gjitha të drejtat janë të rezervuara.