Deda kërkon tryezë të liderëve politikë për agjendë të re shtetërore

17 Janar 2017 - 15:30      

Deputeti i pavarur i Kuvendit të Kosovës, Ilir Deda, ka thënë se tryeza e liderëve të partive politike në Kosovë për agjendë të re shtetërore duhet të mbahet sa më shpejtë.

Ai gjithashtu ka thënë se FSK-ja në ushtri të Kosovës duhet të jetë përgjigje e Kosovës ndaj kërcënimit të radhës të Beogradit, transmeton Koha.net.

“Forcimi i FSK-së në ushtri të Kosovës duhet të jetë përgjigje e Kosovës ndaj kërcënimit të radhës të Beogradit, ku kryetari i Serbisë deklaron "ajo që kam thënë se do të çojmë ushtrinë, janë konkluzionet e Këshillit për Siguri Kombëtare”. Gjithashtu, tryeza e liderëve të partive politike për agjendë të re shtetërore duhet të mbahet sa më shpejtë. Për mbrojtje nuk mund të na gjykojë askush. E as që duhet të flasim për këtë çështje në Bruksel”, ka shkruar Deda në Facebook.

© KOHA. Të gjitha të drejtat janë të rezervuara.