IHMK thotë se cilësia e ajrit nuk ka shënuar tejkalime të vlerave kufitare

17 Janar 2017 - 11:02      

Instituti Hidrometeorologjik i Kosovës, në kuadër të raportimit të rregullt në lidhje me cilësinë e ajrit në vendin tonë, ka bërë me dije se ditëve të fundit nuk ka pasur tejkalime të vlerave kufitare ditore.

IHMK, në njoftimin për media, thotë se bazuar në matjet e fundit, nga analiza e rezultateve të fituara nga monitorimi automatik i cilësisë se ajrit, është vërejtur së gjatë ditëve të fundit nuk janë paraqite tejkalime të vlerave kufitare ditore me PM10.

“Vlera kufitare ditore e lejuar për mbrojtjen e shëndetit të njeriut është 50ug/m3, ndërsa gjatë këtyre ditëve vlera maksimale e mesatares ditore është shënuar më date 16.01.2017 e cila ka arritur në vlerën 47.3µg/m3”, thotë IHMK, raporton Koha.net.

Për më shumë, shih grafikonin në vazhdim:

Ndërsa, sipas IHMK-së, përqendrime të larta janë paraqitur me ndotësin PM2.5 i cili ka arritur vlerën maksimale të mesatares ditore po të njëjtën ditë dhe në të njëjtin lokacion, nga ku arrin vlerën në 41.2µg/m3.

Shënim: # Vlerësimi i përqendrimit të grimcave PM 2.5 në përputhshmëri me standardet e cilësisë të ajrit bëhet duke u bazuar në vlerën vjetore. 

© KOHA. Të gjitha të drejtat janë të rezervuara.