“Çdo ditë pune e humbur e Haradinaj është mundësi për destabilizim të vendit”

16 Janar 2017 - 21:35      

Sekretari organizativ i Aleancës për Ardhmërinë e Kosovës, Ali Berisha, ka thënë se janë të shqetësuar me zvarritjen e procesit ndaj kreut të partisë, Ramush Haradinaj, në Francë.

“Zvarritjet që po ndodhin me z. Ramush Haradinaj në Francë, po e rrisin pakënaqësinë e popullatës në çdo anë. Çdo ditë e humbur pune e z. Haradinaj, është humbje për Kosovën dhe mundësi për destabilizim të vendit”, ka thënë për Koha.net ish-kryetari i Pejës. “Kërkojmë që sa më parë procedurat nga shteti francez për liderin tonë Haradinaj, të marrin fund dhe ai t’i kthehet Kosovës”, ka shtuar më tej ai.

Haradinaj u ndalua në Francë më 4 janar nga autoritetet franceze me një urdhërarrest që Serbia e ka lëshuar përmes INTERPO-it, në vitin 2004. Pas tetë ditësh në paraburgim ai u la i lirë me kusht, i detyruar të qëndrojë në Francë e të paraqitet dy herë në javë në Polici, deri në nxjerrjen e një vendimi përfundimtar.

© KOHA. Të gjitha të drejtat janë të rezervuara.