Shtohen shqetësimet për kontrabandën gjedheve nga Serbia [video]

16 Janar 2017 - 20:25      

Çdo të hënë kjo rrugë që të çon në vendin e quajtur Corrovodë dhe që ndan Kosovën me Serbinë, shfrytëzohet për kontrabandim të gjedheve.

Nga pranvera e deri në fillim të dimrit rruga është në shfrytëzim të kontrabandistëve.

Një fakt i tillë po përcillet që një kohë nga disa banorë të komunës së Istogut, raporton KTV.

Shefki Shatri ka 30 vjet që nuk jeton në Kosovë dhe këtu është vetëm për pushime. Por, ai është i shqetësuar kur shesh se si futet mishi në Kosovë dhe nuk merr masa askush nga organet e rendit.

Në xhirimet që ai ka bërë në këtë rrugë, shihen shenja të kafshëve që kanë kaluar aty, apo edhe ky kamion për të cilin thotë se ka qenë i ngarkuar me gjedhe të kontrabanduara.

Ai thotë se menjëherë ka njoftuar policinë por është zhgënjyer, duke thënë se ka informacione se policia është e përfshirë në këtë dukuri negative, përcjell Koha.net. Policia kufitare thotë se vitin e kaluar ka konfiskuar një numër të gjedheve dhe shpezëve të kontrabanduara, por jo në Istog.

Ndërkaq, nga Agjencia e Ushqimit dhe e Veterinarisë është bërë e ditur se vitin e kaluar janë dërguar nëpër gjykatat e kundërvajtjeve 82 raste të zënies së kontrabandës me gjedhe.

© KOHA. Të gjitha të drejtat janë të rezervuara.