Çka do të përmbajë Pakoja e re Fiskale

16 Janar 2017 - 17:34      

Ministri i Financave, Avdullah Hoti, në një takim të zhvilluar bashkë me drejtorin e Odës Ekonomike Amerikane të Kosovës, Arian Zeka, kanë diskutuar Pakon Fiskale 2.0.

Hoti tha se me Zekën kanë diskutuar gjerësisht për masat që planifikojmë ndërmarrim së shpejti dhe pranuam propozime të reja gjithashtu.

Këto masa, sipas Hotit, përfshijnë:

- Zgjerimi i listës së lëndëve të para që lirohen nga tatimi doganor;

- Heqja e normës së akcizës në mazut për qëllime prodhimi;

- Ndryshim/plotësimi i listës së produkteve që i nënshtrohen normës 0 për qind apo normës së reduktuar 8 për qind të TVSH-së;

- Udhëzimi Administrativ për Pushimet Tatimore;

- Nxjerrja e akteve ligjore për kushtet e veçanta të evidentimit, kontrollit dhe shënjimit të miellit, i cili vendoset në qarkullim të lirë në tregun e Republikës së Kosovës;

- Nxjerrja e akteve ligjore për kushtet për njohjen e humbjeve nga prishja, avullimi apo humbja e peshës së naftës dhe produkteve të saj;

- Krijimi i kodeve doganore për disa produkte, sipas praktikave të BE-së.

“Falënderoj Drejtorin Ekzekutiv Arian Zeka dhe kompanitë që ishin prezent për gatishmërinë për të diskutuar për këto reforma dhe për përkrahjen e vazhdueshme që i japin Ministrisë së Financave”, ka thënë në fund Hoti. 

© KOHA. Të gjitha të drejtat janë të rezervuara.